(Peru de las físicas, non de las que, cumu la ponte de la Inmaculada Constitución, sólu esfrutan dalgunos privilexaos...).
Nun faltan nesta tierra, amás de fontes, outras corrientes d'augua. Entre el.las ta la principal, el ríu Ibias, ya varios regueiros ya regueras que baxan a él. Ya yera necesariu cruzalas pa yir a las fincas ou a l.lugares onde houbiera pastos pal ganáu, madera ya l.lousas pa las casas ou las cabanas, ya outros l.labores.
Nun faltan nesta tierra, amás de fontes, outras corrientes d'augua. Entre el.las ta la principal, el ríu Ibias, ya varios regueiros ya regueras que baxan a él. Ya yera necesariu cruzalas pa yir a las fincas ou a l.lugares onde houbiera pastos pal ganáu, madera ya l.lousas pa las casas ou las cabanas, ya outros l.labores.
 |
| Restos de l'antigua ponte de La Baxancada |
Outras
pontes, con vigas más grandes ya tablas pal pisu, yá valían pal pasu
d'un carru bien cargáu de yerba, fuecha, piedra, l.lousa, cuitu ya tou
tipu de cargas, cumu la viecha ponte de La Baxancada, que xunía los
praos de La Casera, na marxen dereita, cono Camín Real que venía
d'Astierna (única comunicación qu'había entoncias pa acceder a el.los
desde La Viliel.la) ya tamién yera transitada pola xente que yiba ya
vinía, dende Ibias por El Corralín
a Cangas.
L'abandonu de los l.labores agrícolas ya la
posterior apertura de la caxa del proyeutu Cecos-L.larón fixenon que
esta ponte nun volviera a ser usada ya nun se fixo más por
mantenela.
 |
| L'actual ponte de La Baxancada |
 |
| L'arcu La Baxancada |
Mención
aparte merez la actual ponte de La Baxancada, muitu más reciente, feita
de piedra ya cementu, que formaba parte del proyeutu Cecos-L.larón (que
quedóu, cumu tous sabemos, pa prau). Güei hai quien s'entretién tirando
las piedras del muru al ríu, cono qu'en poucu tiempu yá nun-l.ly
quedará más que l'arcu ya'l pisu.
La
Pontiga, en términos de L.larón ya agora intransitable, cruzaba'l
regueiru Los Molinos (tamién chamáu Los Campetinos), na ruta'l Camín
Real de L.larón a Fonduveigas ya que quedóu en desusu cuando foi feita
la carretera de Fonduveigas a El Pueblu.
Agora
mesmu, nos términos de la parroquia de L.larón, sólu quedan duas pontes
en bonas condiciones: El Pontón, en L.larón, ya La Ponte (na zona de
Muruecos) en La Viliel.la, que yía parte del Camín Real d'Ibias ya
Trabáu a Cangas del Narcea ya que vei merecer una entrada pa el.la sola.
Más pontes cercanas, n'Il Bau: As pontis
(N'asturianu, no día la Constitución, pa que nun olvidemos que l'artículu 3.2. sigue ensin cumplise n'Asturias 33 anos dispuéis d'aprobáu)
(N'asturianu, no día la Constitución, pa que nun olvidemos que l'artículu 3.2. sigue ensin cumplise n'Asturias 33 anos dispuéis d'aprobáu)
6 comentarios:
La primera vez que vi la ponte nueva de la Baxancada quedé asustao, ya tamién pol resto de obras de aqueḷḷa carretera inconclusa. Si esa vía hubiera ḷḷegao por lo menos a la sienda entre Il Bau ya'l Curralín, éste nus se hubiera despoblao, ya la inversión na carretera tampouco hubiera quedao pa prao; ya fue por un pouco, unos centenares de metros...
Ayer que me fui asta Ibias me fijé,que por Fondoveigas,quedan unas cuantas en perfecto estado,alguna justo al lado del puente de piedra,se ve que la conserban a pesar de que ahora no sea necesaria.
Quizás, con el tiempo, El Corralín se hubiese quedado sin gente, como parece ser el destino de los pueblos de la zona. Pero es posible que si ese tramo hasta el puente de El Corralín se hubiese hecho, hoy aún podría haber casas habitables o, quién sabe, si algún pequeño negocio. Y tienes razón, Carlos: fué por escasamente 900 metros, que aunque no hubiese sido carretera asfaltada, hubiese mejorado con diferencia los accesos al pueblo.
En cuanto a los puentes de Fonduveigas que dice El Chapras, si te refieres a los dos que hay un poco antes de Fonduveigas d'Arriba (yendo de L.larón a Degaña), creo que ninguno de los dos es muy antiguo (sí su ubicación), pues las crecidas del rio se los llevaron en varias ocasiones. Incluso antes de hacer la carretera actual, una crecida que aún recuerdan los más mayores se llevó la esquina de una casa.
Gustanme abondo as pontes , son prestosas de ver ya prestosas de escuitar, ia como qu´ el tiempu se detien, quedasete a mente nubrada, en branco.
Que paz nesos sitios despueis vuelves a vida real ya a!ala! a d.der al cabreiru. muitu bona a entrada esta prestoume miou neno.
Prestosa entrada que me trae paz ya sosiego , nas pontes escuitas ya sintes el augua yal tiempu detense ,d.dugares maxicus nos q viven us cuelebres as xana, etc... milentas d.deendas nus traen as pontes.
Peme q el Corralin nun houbira quedao abandonau si chegara a xiente al d.dugar pero...... q d.di pergunten al cabreiru como quedan us d.dugares sin augua sin carretera pidir pidimos pero nun nus dan nada......
Inda hay un bon cachu qui andar pa chigar al Curralín, minuda d´dadeira.
Publicar un comentario