Dúas de romanos (II)

Los romanos nun pasanon namás pol País Cabreiru a l.levase l'ouru. A cambéu dexánonnos tamién outras cousas: la l.lingua, las l.leis, ferramientas cumu l'aladru, ya una piedra grabada conos datos d'un oubreiru (que posiblemente fora un capataz) de las esplotaciones mineras. La piedra apaecióu nos términos de La Viliel.la, no l.lugar nomáu L'Arnosa, na finca d'un vecín del pueblu. Estu yera lu que ponía'l Boletín de la Real Academia de la Historia, no sou númberu de xineiru de 1901:

En carta del 12 de Diciembre pasado y desde la ciudad de Oviedo, participó á la Academia su doctísimo Correspondiente D. Fermín Canella y Secades varias noticias concernientes á la inscripción geográfica, que publicó por primera vez D. Aureliano Fernández Guerra y ha reproducido Hübner, suponiendo mal que fué descubierta “á dos tiros de bala de Cangas de Onís.” Las noticias se deben al señor cura párroco de Larón, con el objeto de ilustrar la obra intitulada Asturias, que se halla actualmente en curso de publicación. La piedra tumular no pertenece a Cangas de Onís sino a Cangas de Tineo, hacia el extremo occidental de la provincia.
 Las noticias expuestas por el párroco de Santa Eulalia de Larón dicen textualmente:

“Entre Larón y Viliella, en el punto llamado Aruesa, se ve una piedra sepulcral, que recuerdan muchos haberla visto montada sobre cuatro mojones, barnizada, ó mejor dicho, pintada de encarnado, sobre la cual había una losa de pizarra. Tiene la siguiente inscripción que copié lo mejor que pude:

                                         L*VALERIVS

                                  POSTVVVS*

                                  VX*AN*L*

                                  H*S*EST*

                                   S*T*T*L*

“Se dice que en este punto tenían los romanos un cementerio. A los 500 m., en un punto llamado Muracal o Muruecos, es tradición y creencia general que hubo una ciudad ó villa importante. Hoy se ven grandes escombros y cañerías que demuestran ser restos de importantes calles.”

La inscripción de la l.lábana funeraria diz estu: Lucius Valerius Postumus Uxamensis annorum L hic situs est. Sit tibi terra levis, que significa: Luciu Valeriu Póstumu, nacíu n'Osma, de edá de 50 anos, aiquí repousa. Síate la tierra l.lixera. La súa ciudá d'orixen yera l'antigua Uxama Argaela, población arévaca situada a poucu más d'un kilómetru de las actuales Osma ya Burgo de Osma, na provincia de Soria. Aiquí pueden vese dalgunas fotos del pobláu.

La l.lábana foi atoupada por Felipe Rodríguez-Castellano Gavela ya'l sou fichu Manuel Rodríguez Álvarez, de que'i Felipón, no anu 1879. La finca na que taba l.labrábase ya la piedra fonon moviéndola pa que nun estorbara al trabachar, hasta qu'acabóu no fondu la tierra. Muitos anos dispuéis, alredor de 1930, l.levóula Manuel en carru pa la puerta'i casa, ya ail.li tuvo hasta que'l 5 de diciembre de 1951, terciando l'historiador uvieín Joaquín Manzanares Rodríguez-Mir (fundador del Tabularium Artis Asturiensis), foi dada polos fichos de Manuel Rodríguez al Muséu Arqueolóxicu d'Asturias, l.lugar no que ta agora.

Situación de los yacimientos arqueolóxicos