miércoles, 29 de diciembre de 2010

Quien sema, recueche...

Esti añu 2010 que ta acabando dexónos na nuesa zona galaicu-astur-l.lionesa muitas novedades. Entre el.las ta'l nacimientu de varios blogues: Babia. Las montañas y sus pueblos, Outurelos, Parque Natural dos Ancares, Valdeferreiros. Ibias.Asturias, el cabeiru n'apaecer esti añu, Muchos piensan........... Ibias, ya esti que tais l.leendo. Xunto con aquel.los más veteranos, ya caún a la súa manera, contribuin a que esti requeixu nun tea tan esqueicíu. Ya muitas veces pensaremos que tamos dando voces nuna braña, peru hai muita xente escuitando. Yía casi seguru que entre los que l.leen estos blogues nun tán los responsables (políticos ou económicos) del abandonu xeneral que sufre desde hai sieglos esta parte'l mundu. Peru non por esu vamos tar cal.laos. A la escontra, tien que valinos, con más motivu, pa seguir na l.luita pola nuesa tierra, pol sóu pasáu (pa que nun esqueizamos d'óu vinimos), pol sóu presente (que yía lu que vivimos) ya pol sóu futuru (que yía lu que dexaremos).
Peru nun sólu de blogues vive l'home, nin la mucher. Esti 2010 que ta dando las boquiadas dexónos además trés l.libros d'autores de la zona: Ibias. Guía completa., de la infatigable María del Roxo, Burning, veneno del rock, de Carlos de Valdés (autor del blogue The Constant Sorrower) ya el l.libru de poesías "Suenos" (CH Editorial), de Rosa Cunqueira, que ta a la venta, pol momentu, n'El Rincón Cunqueiru (Trabáu) ya la l.libreria Treito de Cangas del Narcea, fayéndo-l.ly feroz competencia a la guía d'Ibias.
A tous el.los, norabona pol l.labor feitu ya que'l prósimu 2011 siga trayéndonos muitas más cousas d'esti estilu. Ya a los que n'alguna ocasión visitanon esti conxuntu'i palabras más ou menos axeitadas chamáu País Cabreiru (2.150 visitas hasta'l día de güei), que l'añu que vien vos traiga aquel.lu que más queráis.

7 comentarios:

MARIA I. dijo...

Me gustaria conseguir el libro se de versos cunqueiros.... aver si sabes como xastre?

Xastre dijo...

Maribel, lo más práctico es pedirle a Rosa que te guarde un ejemplar o encargárselo a alguien que vaya por Trabáu o Cangas. Y con el nivel de pedidos que he visto que tiene, pronto tendrá que sacar una segunda edición.

Rosa cunqueira dijo...

TOU EMOCIONADA DAFEITU, MUITAS GRACIAS CABREIRU.Nun vendi ningun ejemplar tuvia, ganas tengo tou hay q decilu, pero ia q nin dious ven por esta tierra cunqueira,esu si, nun vos preocupar hay 400 exemplares pa vender ya nun creu q muitus se vendan, solo decir que ta feitu desde el corazon yal amor por a mia tierra cunqueira, muitas gracias a todos ya cada un de us qeu di ua o outra froma me ayudais a seguir faendo suenos.
Ah! si quereis pueden mandase los libros por correo val peme qeu 3 euros a cualquier sitio, ya sinon como di el cabreiru avisaisme ya guardovoslos , nun hay problema pa cuando vengais ou pa cuando dalguien vaya onde vivis.
Cabreiru feliz anu

Alto Sil dijo...

Bien merece Rosa que se le agote la edición pronto. Un saludo

Milio'i Sebastián dijo...

Rosa, uno gúardamelu, que ta compráu (pagarémustelo cuando pudamos) ya quiérulo dedicáu.
Cabreiru: norabuena!

Jose de Mingo dijo...

¡¡Casi nada!!, tres blogueros de la zona publican este año sus libros sobre diversos temas y con diferentes estilos..... Mi enhorabuena para los autores.

MARIA I. dijo...

Me gustaria me mandesen uno, pero a donde lo pido?... voy a regalarmelo pa mi cumple, que ya va a ser pronto..... saludos