viernes, 16 de septiembre de 2011

Outra vez

En mariel.lu, la zona queimada esti anu; n'encarnáu, la del 2010
Paez que los vecinos de La Viliel.la tamos condenaos a tener un incendiu na puerta'i casa tólos anos. Ya paez qu'esti blogue ta tamién abocáu a tener que faer una crónica prieta al escomenzar cada temporada. Na medianueite del vienres 9 pal sábadu 10, una manu criminal (posiblemente la mesma del anu pasáu), prendióu fuéu en varios puntos del monte de La Viliel.la, situaos a una distancia d'entre 1,5 ya 2 km del pueblu, xustu pa detrás del terrén queimáu n'agostu del 2010. Sabía'l criminal que dando l.lume nesos l.lugares, el mal causáu sería muitu, ya túvolu bien fácil: a la sequedá del suelu ya la vexetación (más de un mes ensin chover), hai que sumar la fuerte pendiente de la zona, más d'un 70%), que fixo que l'incendiu xubiera con rapidez. Quixo'l delincuente acabar el trabachu que-l.ly quedóu a medias l'anu anterior. Pa chegar al sitiu nun tuvo problemas: pola caxa del proyeutu de la carretera Cecos-L.larón, nuna nueite estena de l.luna chena, cono que nun tuvo qu'usar l.luz pa yir ya volver.
Tamién esta vez, bien ceu, empezanon los bombeiros el sou l.labor por tierra, ya nuevamente los medios  aéreos, a las 8 la mañana del sábadu, taban echando augua pa tratar d'apagar el l.lume. Naide que nun viviera una situación tala puede imaxinase lu que yía ver a las 6 de la mañana pola ventana de casa un resplandor anaranxáu ya sentir el golor a queimáu invadiendo outra vez el val.le cabreiru en poucu más d'un anu.
L'incendiu (na cara Sur d'El Cerru), desde El Col.láu
L'incendiu podía considerase práuticamente apagáu el mesmu sábadu pola tarde, anque los helicópteros continuanon refrescando la zona. Peru pola nueite reavivóuse, quiciás pol vientu, que fixo prendese dalguna brasa que quedara oculta, ya que la zona queimada yía una granda con escasu arboláu. Cumu consecuencia, el domingu volvienon los helicópteros ya quedóu un retén de vixilancia hasta'l martes 13, cuando yá se dióu por estinguíu l'incendiu.
Nun tien sentíu volver a poner aiquí lu mesmu que nas entradas de setiembre del anu pasáu. Peru paezme necesariu reconocer el trabachu de bombeiros ya brigadas forestales. Ya, pa nun perder la costume, la crítica a los sous xefes, que los mandan ensin un mapa de la zona pa facilitá-l.lys los l.labores d'estinción ya vixilancia (ya gracias qu'alcuentran dalgún vecín que-l.lys indica'l camín más axeitáu). Ya cansa dicir que los caminos ya sendeiros que podían faer más fácil l'accesu de vehículos ya personal d'estinción a la zona (ya valir de cortafueos primarios) tán práuticamente  zarraos pola vexetación. Esu sí, la caxa de Cecos-L.larón rózanla cada poucos anos. D'esa manera, el fichu la gran puta que prendióu'l l.lume nun tien problemas pa yir a queimar.
La zona queimada, desde L'Altu La Sierra (Trabáu)
Ayer chovióu en La Viliel.la. Peru chega un poucu tarde esta augua. Ya espero que si vien de tormenta nun acabe l.levándose la tierra del terrén queimáu. Más l.lágrimas pol monte, pola Naturaleza, ya, en definitiva, por nós mesmos...

viernes, 9 de septiembre de 2011

365

Yía´l númberu de días que fai qu'empecéi esti blogue. Ya nun taba mui seguru de que chegara a cumplilos. Peru'l casu yía que, un anu dispuéis, sigue aiquí. Cumu dixi na primera entrada, nun ta feitu pa contentar a naide, nin siquiera a mi mesmu, ya la michor preba yía que la mayoría las entradas tán feitas con muitu mal xeniu, ya unas gotinas d'esa ironía (que nun dexa de ser mal xeniu) que prestan ya disgustan casi a partes iguales a quienes tuvienon la deferencia de l.leelas aiquí ou que las vienon en dalgún comentariu n'outros blogues.
Tampoucu pensaba que yiba a tener nesti tiempu 7.900 visitas. Paez que los compañeiros ya amigos d'outros blogues entran muitas veces al cabu'l día ou vei ser que la xente l.lee cualquier cousa... Peru échase de menos a la xente de L.larón ya La Viliel.la (aproveito p'agradecer a Suso de Josepillo las súas colaboraciones l.literarias ya fotográficas), que yía la que más cousas podía aportar, anque foran sólu comentarios, ya a la que, en teoría, más podían interesá-l.ly estas l.linias.
D'outra miente, la fecha del 9 setiembre na que salióu a la l.luz esti blogue nun foi una casualidá. Yera'l día no que tradicionalmente se celebraba la fiesta de La Viliel.la, n'honor a San Antonio de Padua, en tiempos muitu michores pal l.lugar, ya que quixi recordar d'esa manera.
Nestos doce meses pasanon cousas bonas (muitas) ya menos bonas (poucas, por suerte). Güei tamos de celebración, asina que vou esqueiceme de las malas ya pensar namás nos bonos momentos, de los que hai dous que rel.luman entre tous: los alcuentros blogueiros en La Rioja ya no País Cabreiru.

Muitas gracias a cuantos empleasteis parte del vuesu tiempu en l.leer esti blogue, n'especial a los mióus amigos d'esti L.lonxanu Oeste, que tán xebraos pol mundu. Ya, en vista del ésitu, amenazo con siguir escribiendo. Aiquí escomienza “País Cabreiru, anu 2”...